مدونة Sava93

نقلاً عن أخبار مصر

حذر تقرير صادر الاحد من إغراق غزة بالسلاح عبر الأنفاق مما يؤدي إلي استخدامه في فوضي القتال المتبادل‏،‏ بل والاخطر من هذا أن تؤدى هذه الأنفاق الى وجود سوق غير مباشر للسلاح في مصر‏،‏ فنصف هذا السلاح يرتد إلي مصر ويباع في الداخل‏،‏ وهذا له علاقة مباشرة بتهديد الأمن القومي‏.‏

وقال الحزب الوطني علي موقعه الإلكتروني إن الأحداث الإرهابية في القاهرة وسيناء لها علاقة مباشرة بهذه الأنفاق‏،‏ فتفجيرات الحسين العام الماضي اثبتت ان اثنين من المخططين استغلا غزة كملاذ آمن تحت سمع حماس وبصرها‏،‏ كم

ألبقاء لله وحده يا أم الشهيد, وكما قال الله تعالى:
(وَلَا تَحْسَبَنَّ الَّذِينَ قُتِلُوا فِي سَبِيلِ اللَّهِ أَمْوَاتًا بَلْ أَحْيَاءٌ عِنْدَ رَبِّهِمْ يُرْزَقُونَ * فَرِحِينَ بِمَا آتَاهُمُ اللَّهُ مِنْ فَضْلِهِ وَيَسْتَبْشِرُونَ بِالَّذِينَ لَمْ يَلْحَقُوا بِهِمْ مِنْ خَلْفِهِمْ أَلَّا خَوْفٌ عَلَيْهِمْ وَلَا هُمْ يَحْزَنُونَ * يَسْتَبْشِرُونَ بِنِعْمَةٍ مِنَ اللَّهِ وَفَضْلٍ وَأَنَّ اللَّهَ لَا يُضِيعُ أَجْرَ الْمُؤْمِنِينَ )

وأدعو الله أن يلهمك الصبر على ما أصابك, وأقول لك:
تأكدى أمي العزيزة ويا أم الشهيد بأن إبنك قتل على يد عدواً للمصريين أجمعين وليس عدواً لإبنك, عدواً للدين الإسلامي وليس عدواً لإبنك, فهذا العدو مهما كانت جنسيته أو ملته أو حتى دينه فهو عدواً لنا جميعاً. وقد تجسد عدوانه فى رصاصة واحده! تنتقم منا جميعاً فى شخصاً واحد يمثل المصريين ويحمى المصريين على حدود مصر من العدوان.

وأنا أدعوا كل المصريين للدعاء لإبنك يا أم الشهيد ولإبنك الشهيد. وأؤكد لك أنه كان يحمي مصر من العدو وليس من الفلسطينيين ولا من الغزاويين!

وأؤكد لك أن الرئاسة المصرية والحكومة المصرية لم تطلب منه الوقوف على الحدود لا تحمي أولادها من الفلسطينيين ولا من الغزاويين! لا والله فهم إخوتنا وأحبتنا ويحزنون لحزننا, ولكن ليحموننا من العدو القناص الذى قتل إبنك يا أم الشهيد. أبنك الذى هو أخاً لكل مصرى, ونفخر بكونه شهيداً مدافعاً عن وطنه وبلده وتراب بلده وإخوانه وأخواته من المصريين والمصريات.

لا تحزني فهو ليس الأول ولا الأخير, ليس الوحيد الذى إستشهد على يد عدوٌ لنا, فهو و

موضوع السور اللى مقوم الدنيا ومقعدها ده مش موضوع نقاش يعنى من وجهة نظرى, والمفروض بدل ما نقعد نشجب وندد وووو كالعادة نقعد نشوف حل, ياما قرأنا مواضيع وكتبنا مواضيع وهللنا وأعتصمنا وتظاهرنا, وعلى ما يبدو والله أعلم إن ما فيش حاجه وحده من دى نفعت, ولو فى يا ريت أعرف, وأنا جاد كل الجدية فى كلامى, لو فى حاجه من دول نفعت أو جابت نتيجه يا ريت حد يقول لى!!!
نرجع لموضوع السور اللى هيتبنى فى مصر, فى أرض مصر, بقرار مصرى, بأيد المصريين, بفلوس المصريين, السور ده مزعل العالم كله مش عارف ليه, وده أمر داخلى وماحدش ليه فيه نهائى!!
هنقول طيب والمساعدات والمؤن من المأكل والدواء وخلافه, هو يعنى الكلام ده كله مش مسموح بيه يعدى من معابر وبوابات؟ ولا هو ما ينفعش إلا من الأنفاق؟
ندخل بقى المهم أوى ويا ريت برضوا حد يرد عليا فيه, انا ماشفتش مواطن عربى يوحد ربه طول حياتى عمل مظاهرة وناصر إخوانه المصريين فى أى ظرف من ظروفهم وقهرهم على مر السنين!!
ومع العلم أحيانا بنسمع كمان كلمة يستاهلوا الخونة ولاد الخونة, يستهوا المصرائلييين المتواطئين ومش عارف ايه. انا مش عارف فعلا المصرييين يستهلوا كل السب ده ليه؟و محدش يقول لى الكلام ده محصلش, أقولوا معلش حصل وأنكتب عنه فى أماكن كثيرة وذيع عنه فى قنوات شتى!! ده غير اللى الواحد بيسمعوا شخصيا!
الناهرده الحكومة المصرية مابين نارين, يا أما تطلع متواطئة وعميلة ومش عارف ايه من الكلام الكبير ده فى نظر كتير من العرب, أو أقصد فى نظر أصحاب نشجب و نتظاهر ونكتب ونقول ومنعملش.
يا إما تطلع فى نظر الغرب وأمريكا وإسرائيل دولة مساندة ومساعدة للإرهابيين, وهنا هما بيقولوا على إخوانا اللى معاهم شوية طوب وظلط إرهابيين, أصل الطوب بيعور وممكن يفتح الدماغ زى ما الكل عارف, يعنى منتهى القسوة والإرهاب من قبل الفلسطنيين!!
المهم نرجع لموضوعنا! طبعا الحكومة هنا أختارت أنها تقول وبأعلى صوتها (طظ) فى اللى بيشجب ويتظاهر, مهو كلها يومين والموضوع يتنسى, أو حتى لو ما إتنسى, إيه يعنى اللى هيحصل, ما كان العرب يتشطر كده ويشد حيله على العدوان بدل ما يتشطر على الغلابة.
طيب ليه خافت من الدول التانية؟ عشان هيتضح إن مصر دولة مساندة للإرهاب والإرهابيين, وكان رئيس العملية الإرهابية أبصر شو كان مصرى, وعندها سلاح ننوي وعندها كل البلاوى السودة, ده هيكون سبب كافى للعدوان عليها ونهب ثرواتها علنى بقة, يعنى من المصريين المجندين داخل مصر حاليا ومنهم شخصيا زى ما بنشوف دلوقتى فى العراق.
وساعتها يحصل زى ما المثل المصرى ما بيقول, (العجل لو وقع هتكتر سكاكينه) يعنى لا هما هيرحموا, ولا حتى أخوانا العرب الأشقاء اللى كنا معاهم على مر السنين هيرحموا, يمكن مش هيعتدوا ولا هيحاربوا بس كفايه أوى كام كلمة من اللى بيحرقوا الدم دول, يستاهلوا المصاروة ولاد الـــ تيـــــــــــــــــــت,التيـــــــــــــــــــت التيـــــــــــــــــــت (نأسف على الألفاظ الخارجة, قد تم قطعها وإستبدالها بالتيـــــــــــــــــــت) ويفضلوا بقه يقولوا دعارة وحريم ونسوان وتواطؤ و كلام مش عارف ليه إتنسب لكل المصريين, ويزيد المبلة طين ويقول بعض الجهلاء بتاريخ مصر وحتى بالحاضر بقول دول كانوا شغالين عندها عبيد ومش عارف إيه وكلام أهبل كده!!
المهم, انا مش عارف ليه عمال أخرج عن الموضوع, أصل الموضوع طويل وعريض وليه فعلا فروع كتير, بس دلوقتى خلينا فى حوار العصر, بناء الســــــــــــــــــــــور العظيم, آل يعنى هنطيح بيه بسور الصين العظيم وهندخل بيه أى موسوعة وخلاص!! السور اللى لو ما إتبناش هتتحل بيه القضية الفلسطنية!!
إيه رأيكم يا جماعة؟ نخاطر بشعب مصر كله وتبقى فلسطين والعراق ومصر؟ ولا نشوف حل ونجتمع عليه؟
أنا مش مع بناء السور ولا ضده, انا واحد من الناس اللى مش عارف يعمل حاجه, عشان مش لاقى حد زى عارف يعمل حاجه, عشان الكل مركز أوى أوى أوى فى سماع وتعليق وشجب وتظاهر و مش فاكر ايه تانى!!
ثم فى حاجه مهمة أوى بقة لازم تذكر, حد هنا يا جماعة قرأ تاريخ وعارف ايه اللى حصل من إسنادات عربية للشعب المصرى فى أكتوبر؟ خلينا ساكتين.
لو حد برضوا قرأ تاريخ, يا ريت يقول ليه قبل الحرب مصر والمصريين كانوا فى حالة إكتئاب وسكوت رهيب من الجيش وإحباط و و و ؟؟
ليه الجيش والحكومة فضّل الهدوء والسكوت لحد ما ضرب ضربته؟ كلام كتير كده مش هقول إن انا فاهمه كله لإن انا مش سياسى, بس أتمنى من اللى يكتب ويسب ويشجب إنه يفهم هو بيتكلم عن مين وليه عمل كده, وإيه البدائل لكده؟!!
ورغم كل ده, برضوا تجاهل الكل, وبرضوا بقول الكل, يعنى فاهم ومش فاهم, عارف ومش عارف, إن الحكومة المصرية عارفة ومتأكده إن السور ده برضوا هيتعمل من خلاله نفق ومش هيقف الموضوع على كده, وكمان والأمر من كل ده إن اللى هيساعد فى عمل النفق من خلال السور الحديدى, هما أبناء مصر, وللعلم حصل بالفعل وقبل بناء السور إن مجموعة من المصريين كتبوا طريقة عمل فوهة ضخمة فى السور الفلاذى بشكل سهل جدا وبدون معدات ضخمة وآلات وخلافه, يعنى ماسمعناش ولا شفنى الحكومة مسكت المجموعة دى ولا بتاع؟
هى الحكومة دلوقتى عملت اللى يريح الغرب, قالت لهم أهو انا عملت اللى عليا وعملت السور, بلاش وجع دماغ بقة, و بلاش حجج فارغة عشان تدخلوا مصر.
وفى نفس الوقت هتقول بعد كام يوم من بناء السور, مهو احنا عملنا السور وعملنا اللى علينا, بس مالناش سلطة على البشر كلها, واللى عمل الفوهه دى احنا منعرفش هو مين, بس هندور عليه ونحاكمة ( وطبعا إبقوا قابلونا).

يروي الدكتور معروف الدواليبي يرحمه الله هذا اللقاء الهام بين الجنرال ديجول والملك فيصل بن عبد العزيز يرحمه الله قبيل حرب حزيران، يقول الدكتور الدواليبي ( ص 201) من مذكراته: أنا لي تجربة مع الجنرال ديجول من يوم قضية استقلال سوريا، فمع أنه كان محاطاً بعناصر يهودية (صهيونية) فديجول عندما يعرف الحقيقة يغيــّر مواقفـه، ولذلك كنت حريصاً على لقاء الملك فيصل بـه، وألححت في ذلك وأصررت.

سبحان ألله

أنا مش فاكر إن فى مرة من المرات فتحت التلفاز وشوفت صورة حلوة لفلسطين, أو منظر طبيعى جميل, أو حتى ناس بتبتسم

كل اللى بنشوفو هو دم, قهر, هدد, بكاء, صريخ, حتى الزغرودة اللى بتكون من الطبيعى نسمعها فى فرح, بنسمعها من أم شهيد لحظة وداعها ليه!

لذلك لما شغت الصور دى قولت أكيد غيرى كتير محتاجين يعرفوا فلسطين الجميلة